Մեդիափորձագետ Սամվել Մարտիրոսյանը ֆեյսբուքյան իր էջում զգուշացրել է տեղեկատվական նոր խաբեության մասին։
«Մեծ թափ է առնում հին, ստուգված մի խաբեություն: Հայաստանում չգտնվող Ձեր բարեկամներից մեկին գտնում են Ֆեյսբուքով կամ Ինստագրամով, սարքում են նրա հաշվի կլոնը, հետո գիշերով ձեզ գրում են, որ շտապ փող է պետք՝ տարբեր պատճառներով:
Մարդը փոխանցում է, հետո այդ գումարը գնում, կորում է: Իրականում՝ հարցը շատ պարզ լուծում ունի, բացեք հաշիվը, համոզվեք, որ ձեր քեռին է, հորեղբայրն է, զարմիկն է, և ոչ թե նոր ստեղծված կլոն: Չնայած որ այդ կլոնները շատ լավ են սարքում»,- հրապարակած տեսանյութում ասում է Մարտիրոսյանն ու նշում, որ զանգի միջոցով թեկուզ պետք է պարզել, ով է ձեզ դիմողն իրականում:
