Իսրայելի կառավարությունը, երկրում էներգիայի սպառման արագ աճի համատեքստում, մտադիր է զանգվածաբար արևային մարտկոցներ տեղադրել ոչ բնակելի և բնակելի շենքերի տանիքներին։ Այս մասին երեքշաբթի հայտնել է Reuters-ը։ 

Երկրի իշխանությունները կենտրոնացած են արևային էներգիայի զարգացման վրա՝ կապված նրա հետ, որ Իսրայելի աշխարհագրական և կլիմայական առանձնահատկությունները էլեկտրաէներգիա արտադրելու համար թույլ չեն տալիս հողմաղացների և հիդրոէլեկտրակայանների ակտիվ օգտագործումը։ 

Արևային էլեկտրակայանների ավանդական տեսակների զարգացումը, երբ դրանք տեղադրվում են հսկայական հողատարածքների վրա, դժվար է։ Այդ պատճառով հարմար անապատային տարածքները գտնվում են էլեկտրաէներգիայի հիմնական սպառողներից զգալի հեռավորության վրա, ինչը մեծ կորուստների է հանգեցնում փոխանցման ընթացքում։