Լաչինի միջանցքի միջադեպը հայ-ադրբեջանական չսահմանազատված սահմանի հետևանք է. Զախարովա

ՌԴ ԱԳՆ խոսնակ Մարիա Զախարովան մեկնաբանել է ՀՀ-ում ՌԴ դեսպան Կոպիրկինի՝ ՀՀ ԱԳՆ կանչելու փաստն ու Լաչինի միջանցքում ադրբեջանական դրոշի միջադեպը, որից հետո Ադրբեջանը փակել է Լաչինի միջանցքի անցակետը։

Զախարովան նշել է, որ հունիսի 15-ի Լաչինի միջանցքի ադրբեջանական անցակետի մոտ տեղի ունեցած միջադեպը «կապված է մեծ խնդրի՝ հայ-ադրբեջանական սահմանի դելիմիտացիայի բացակայության հետ։ Ռուսական կողմը բազմիցս կոչ է արել հիմնավոր աշխատանք կատարել երկկողմ հանձնաժողովների կողմից՝ ՌԴ աջակցությամբ։

Այդ դեպքը հերթական կռվախնձորն է։ ՌԴ խաղաղապահների հանդեպ մեղադրանքները անհիմն են։ Վճռականորեն խորհուրդ կտայինք նվազեցնել սուր հռետորաբանության աստիճանը»։