Հայաստանում առաջին անգամ է ԵՄ առաքելություն տեղեկայված։ Մենք պատրաստ էինք ադրբեջանական կողմ նույնպես առաքելություն ուղարկելու, բայց Ադրբեջանը չի ընդունել այդ առաջարկը։ Իմ տպավորությամբ՝ արձանագրված և փաստաթղթավորված ռազմական միջադեպերը տեղի են ունենում միայն մեկ կողմից։
Չկա որևէ ապացուցողական տվյալ, որը կհաստատի մեղադրանքը, թե Հայաստանի կողմից է ռազմական միջամտությունը տեղի ունենում, և դա զարմանալի չէ, քանի որ Հայաստանը ուզում է խաղաղություն»,- լրագրողների հետ հանդիպմանն ասաց Եվրոպական խորհրդարանի անվտանգության և պաշտպանության հարցերով ենթակոմիտեի նախագահ Նատալի Լուազոն՝ գնահատելով Հայաստանում ԵՄ առաքելության գործունեությունը։
Ըստ նրա ՝ կարևոր է, որպեսզի ԵՄ անդամ պետությունները տեղեկություն ստանան տիրող իրավիճակի մասին։
«Առաքելությունն ընդամենը չորս ամիս է Հայաստանում։ Դեռևս կադրային և տեխնիկական միջոցներով ամբողջությամբ ապահոված չէ, բայց իրենք շատ են պարեկություն իրականացնում։
Հայաստանի իշխանությունների հետ ունեն լավ հարաբերություններ և բնակչությունն էլ բարձր և դրական է գնահատում նրանց ներկայությունը։ Խնդրում եմ չշփոթել՝ այն քաղաքացիական առաքելություն է, որոնք մշտադիտարկում են իրավիճակը։ Նրանք չեն կարող կանխել միջադեպերը, բայց միջադեպերի համար պատասխանատու կողմը պետք է իմանա, որ դրանք մշտադիտարկման ներքո են»,- եզրափակեց Նատալի Լուազոն։
