«Նախագծի ընդունումը միտված է նրան, որ յուրաքանչյուր խաղացող կատարի խաղադրույք միայն իր բանկային հաշվից և իրեն պատկանող հաշվի միջոցներից, սրանով էլ ավելի վերահսկելի դարձնելով իր վարքագիծը»,-կառավարության նիստում հայտնեց ֆինանսների նախարար Վահե Հովհաննիսյանը:
Նա զեկուցեց «Շահումով խաղերի, ինտերնետ շահումով խաղերի և խաղատների մասին» օրենքում լրացում կատարելու մասին» և «Վիճակախաղերի մասին» օրենքում լրացում կատարելու մասին» օրենքների նախագծերի փաթեթի վերաբերյալ կառավարության առաջարկությունների մասին հարցը, իսկ օրենքների փոփոխության նախագծի հեղինակը ԱԺ ՔՊ-ական պատգամավոր Գևորգ Պապոյանն է:
Նախարարի խոսքով՝ մյուս խաղացողները, որոնք չունեն սեփական բանկային հաշիվներ, կամ դրանց վրա կիրառված են արգելանքներ, հնարավոր չեն ունենա կատարել խաղադրույքներ:
Ներկայացնելով օրենսդրական փոփոխությունները՝ Վահե Հովհաննսիյանն ասաց. «Սահմանվում է, որ ինտերներ շահումով խաղերի դեպքում հատուկ հաշիվը կարող է համալրվել բացառապես տվյալ խաղացողին պատկանող բանկային և քարտային հաշիվների միջոցով:
Արգելվում է տոտալիզատորների մասնակիցների հաշիվներին դրամական միջոցներ մուտգաքրել և ելքագրել կանխիկ եղանակով: Նշված հաշիվները համալրվում են և գումարները ելքագրվում են միայն անկանխիկ եղանակով: Տոտալիզատորի մասնակցի հաշիվը կարող է համալրվել բացառապես տվյալ խաղացողին պատկանող բանկային հաշիվների միջոցով»:
Նիկոլ Փաշինյանն էլ հիշեցրեց, որ շահումով խաղերին հասանելիության պայմանների սահմանափակումն իր նախընտրական խոստումներից է:
