Վարչապետ Նիկոլ Փաշինյանը շնորհավորական ուղերձ է հղել Լյուքսեմբուրգի Մեծ Դքսության վարչապետ Քսավիե Բետելին՝ ազգային տոնի առթիվ: Ուղերձում ասված է.
«Ձերդ գերազանցություն,
Սրտանց շնորհավորում եմ Ձեզ Լյուքսեմբուրգի Մեծ Դքսության ազգային տոնի կապակցությամբ։
Մեծ ուրախությամբ եմ արձանագրում, որ մեր երկրների միջև փոխադարձ հարգանքի և վստահության վրա հիմնված հարաբերությունները գտնվում են պատմականորեն բարձր մակարդակի վրա՝ լավագույնս հիմք ծառայելով համագործակցության ուղղությունների առավել ընդլայնման և ամրապնդման համար։
Պետությունների բարեկամությունն ամրանում է ժամանակի արհավիրքներին դիմակայելով։ Լյուքսեմբուրգի Մեծ Դքսությունը բազմիցս վերահաստատել է, որ հանդիսանում է Հայաստանի բարեկամը՝ անկախ քաղաքական նպատակահարմարությունից և աշխարհաքաղաքական իրողություններից։ Պատմական այս դժվարին ժամանակաշրջանում Ձեր երկրի սկզբունքային աջակցությունը վերստին փաստում է, որ ժողովրդավարական արժեքներ դավանող Հայաստանը միայնակ չէ։
Լիահույս եմ, որ համատեղ ջանքերի գործադրմամբ կամրապնդենք Հայաստանի և Լյուքսեմբուրգի միջև համագործակցությունը և միջազգային հարթակներում փոխգործակցությամբ կնպաստենք մեր երկրների կայուն զարգացմանը։
Վերստին ջերմորեն շնորհավորում եմ Ձեզ և Լյուքսեմբուրգի բարեկամ ժողովրդին այս նշանակալի օրվա կապակցությամբ՝ մաղթելով խաղաղություն, բարօրություն և նորանոր հաջողություններ»։
