ԱՄՆ Թալսա քաղաքի բենզալցակայանի գործավարը մեղադրվում է կողոպուտ բեմականացնելու համար, քանի որ նա հոգնած էր և պատրվակ էր փնտրում աշխատանքից շուտ դուրս գալու համար, գրում է Oddity Central-ը։
Բենզալցակայանի աշխատակից Իսայա Ջոնսը զանգահարել է Թալսայի ոստիկանության բաժին՝ ասելով, որ որ դիմակավորված տղամարդը մտել է բենզալցակայանի խանութ, որտեղ ինքն աշխատում էր, հանել է զենքը և սպառնացել կրակել, եթե չտա դրամարկղի ամբողջ գումարը։
Ջոնսի պատմելով՝ ինքն, իբր, ենթարկվել է, ինչից հետո դիմակավորված ավազակը շտապ հեռացել է։ Տեսահսկման տեսախցիկները հաստատել են դեպքերի մասին գործավարի վարկածը, սակայն կադրերը նաև օգնել են ոստիկաններին բացահայտել ավազակին: Երբ նրանց հաջողվել է ձերբակալել ավազակին, վերջինս պատմել է ճշմարտությունը:
Պարզվել է, որ թալանողը՝ Սթիվեն Ջոնսը, որևէ առնչություն չուներ Իսայա Ջոնսի հետ: Նա քննիչներին պատմել է, որ իրականում կողոպուտն ինքը չէ որ ծրագրել է: Ալյա Լոք անունով մի կին, որը երկու տղամարդկանց ընդհանուր ծանոթն էր, խնդրել էր Սթիվենին թալանել խանութը, քանի որ գործավար Իսայան հոգնած էր և ցանկանում էր շուտ գործից գնալ։ Լոքը ձերբակալվել է և հաստատել է ավազակի վարկածը:Իսայա Ջոնսը նույնպես ձերբակալվել է և վերջում հաստատել է, որ իսկապես խնդրել է Ալյա Լոքին գտնել մեկին, ով կողոպտի բենզալցակայանը, քանի որ նա հոգնած էր և վաղաժամ տուն գնալու համար պատրվակի կարիք ուներ:
