Ռուսաստանում ապստամբության փորձի հետևանքները լինելու են Եվրոպական Միության անդամ երկրների արտաքին գործերի նախարարների ամենամսյա ծրագրված հանդիպման կենտրոնական թեման, որը կքննարկվի երկուշաբթի օրը Լյուքսեմբուրգում։ Այս մասին գրել 7SUR7-ը։
Բելգիայի վարչապետ Ալեքսանդր դե Կրոոն կիրակի օրը խոսել է օրակարգի մասին Բրյուսելում Ազգային անվտանգության խորհրդի նիստից հետո, որը նվիրված է եղել Ռուսաստանում վերջին իրադարձություններին:
«Իրավիճակը Ռուսաստանում, որտեղ տեղի ունեցավ «Վագներ» ՄՌԿ-ի հիմնադիր Եվգենի Պրիգոժինի ապստամբությունը կանոնավոր բանակի դեմ, Լյուքսեմբուրգում ԵՄ ԱԳ նախարարների քննարկման կենտրոնում է։ Բելգիան կներկայացնի արտգործնախարար Հաջա Լաբիբը»,- ասել է նա։
Երկրի ԱԳ նախարար Լաբիբը նույնես անդրադարձել է քննարկման թեմային։ «Մենք տեղեկություններ փոխանակեցինք Ռուսաստանում տեղի ունեցողի մասին: Մենք երեկ մի շարք շփումներ ունեցանք Ռուսաստանում մեր դեսպանատան հետ, որպեսզի կապ հաստատենք այնտեղ ապրող բելգիացիների հետ և համոզվենք, որ նրանք անվտանգ են: Ռուսաստանում կա 780 բելգիացի, տասնյակ մարդիկ Ռուսաստանի հարավում։ Եվ մենք կարողացանք կապ հաստատել նրանց բոլորի հետ ու համոզվել, որ ամեն ինչ կարգին է։ Առայժմ ամեն ինչ վերահսկողության տակ է»,- ընդգծել է նա։
