Հ քննչական կոմիտեն այսօր տեղեկացրել էր, որ բացահայտվել է «Ար.Տոբակո» ընկերությնա Հայաստանից խոշոր խմբաքանակներով չհայտարարագրված ծխախոտի արտահանման և արտահանման փորձի, առանձնապես խոշոր չափերով հարկերից խուսափելու դեպքեր։
Մի դեպքում ՊԵԿ-ը բեռնատար ավտոմեքենայում հայտնաբերվել է 25 արկղ «ARMADA» և 25 արկղ «GAMMA» տեսակի չհայտարարագրված ծխախոտ։ Դրանց տուփերի վրա, որպես արտադրող, նշված է եղել «Ար.Տոբակո» ՓԲ ընկերություն:
Բացի այդ, «Էրեբունի» օդանավակայանի տարածքում ինքնաթիռի կողքը կայանած 7 բեռնատարներում հայտնաբերվել էր 980 արկղ (49,000 բլոկ կամ 490,000 տուփ) առանց ակցիզային դրոշմանիշերի ծխախոտ, որոնց արտադրող է նշված եղել «Ար.Տոբակո» ՓԲԸ-ն։
Մեկ այլ դեպքում էլ խնձորի և կեռասի արկղերի տակբացահայտել են առանց ակցիզային դրոշմանիշերի՝ «Ար.Տոբակո» ՓԲԸ արտադրության ծխախոտներ, որոնց ընդհանուր քանակը կազմել է 53.399 բլոկ կամ 533 990 տուփ)։
«Ար.Տոբակո»-ն առաջին անգամ չէ, որ հայտնվել է ՊԵԿ ուշադրության կենտրոնում. այս տարվա հունիսին էլ ՊԵԿ-ը բացահայտել էր «Ար. Տոբակո» ՓԲԸ-ի կողմից առանց ակցիզային դրոշմանիշերի 1,114,000 տուփ ծխախոտի իրացման դեպքեր:
Radar Armenia-ին հայտնի դարձավ, որ վերջին բացահայտումից հետո կալանավորվել են այդ ընկերության հիմնադիր Համլետ Վաչենանցն ու տնօրեն Անդրեյ Գրիգորյանը։
