ՀՀ վարչապետ Նիկոլ Փաշինյանն այսօր 44-օրյա պատերազմի հանգամանքներն ուսումնասիրող ԱԺ քննիչ հանձնաժողովի նիստում պատասխանեց զինվորականներին վերաբերող հարցին, որտեղ մասնավորապես նշվում էր․
«2021 թվականի փետրվարի 25-ին զինվորականների իրականացրած քայլը ի՞նչ էր ենթադրում։
Արդյոք այստեղ տեսնո՞ւմ եք «5-րդ շարասյան» գործունեությունը, որին զոհ գնացին բավականին շատ զինվորականներ»։Կառավարության ղեկավարն արձագանքեց՝ ասելով. «Եթե նկատի ունեք, թե արդյոք այդ պրոցեսներում ես արտաքին հետք տեսնո՞ւմ եմ, թե՞ ոչ, ես կարող եմ ասել, որ՝ այո՛, որպես վարկած՝ տեսնում եմ։
Եղել են մարդիկ, որոնք հրամանի ազդեցության, պահի ազդեցության տակ են արել, ի վերջո խոսքը զինվորական հրամանատարության մասին է, գուցե ասում են՝ այսպիսի թուղթ կա, պետք է ստորագրեք, ես չգիտեմ՝ ինչ բառերով է ասում հրամանատարը, բայց այս իրավիճակն էլ պետք է հաշվի առնել։2020 թվականի նոյեմբերի 9-ից հետո ինչ-որ գործընթացներ են գնացել, և խաթարվել է վստահությունը, ես չեմ բացառում, որ երկուստեք է եղել այդ իրավիճակը։ Ես գիտեմ՝ ինչն է պատճառը, որ գործողություններն են եղել պատճառը, որ ես վստահության խափանումներ եմ ունեցել, բայց չգիտեմ՝ որ գործողություններն էին, որ զինվորականության մոտ իմ նկատմամբ վստահության խափանում պետք է առաջացնեին»։
Այնուհետև վարչպապետը դիմեց քննիչ հանձնաժողովում ներկա զոհված զինծառայողներից մեկի ծնողին․ «Եթե Դուք ասեիք՝ գնայիր, այն էլ զիջեիր, մյուսն էլ զիջեիր, ինչի՞ չես արել, ես այդ պատասխանն ունեմ, բայց չգիտեմ, թե այդ պատասխանը որքան համոզիչ կլինի Ձեզ համար։ Ես գիտեմ մի բան՝ իմ որդու կյանքն ավելի չեմ գնահատել, քան ձեր որդու կյանքը»։
