Ուղիղ երկխոսությունը տևական ու արժանապատիվ խաղաղության հասնելու բանալին է. Միլլեր

ԱՄՆ պետքարտուղարության խոսնակ Մեթյու Միլլերը անդրադարձել է հայ-ադրբեջանական բանակցություններին․

«Միացյալ Նահանգները ուրախ է ընդունել Հայաստանի արտգործնախարար Միրզոյանին և Ադրբեջանի արտգործնախարար Բայրամովին՝ բանակցությունները դյուրացնելու համար, քանի որ նրանք շարունակում են հետամուտ լինել Հարավային Կովկասի տարածաշրջանի խաղաղ ապագային:

Քարտուղարը երկուսին էլ առանձին-առանձին հանդիպեց և յուրաքանչյուր հանդիպման ժամանակ ընդգծեց, որ ուղիղ երկխոսությունը հիմնախնդիրների լուծման և տևական ու արժանապատիվ խաղաղության հասնելու բանալին է:

Միացյալ Նահանգները ոգևորված են Հայաստանի և Ադրբեջանի վերջին ջանքերով՝ արդյունավետորեն ներգրավվել խաղաղության գործընթացում, և մենք կշարունակենք օգնել նրանց ամեն կերպ, ինչպես կարող ենք՝ այդ պահը զարգացնելու համար:

Այսօր հանդիպումների առաջին օրն էր, որը կշարունակվի մինչև հինգշաբթի, և շաբաթվա ընթացքում մենք կունենանք հետագա թարմացումներ», – նշել է Միլլերը: