Համաշխարհային բանկը Թուրքիային 1 մլրդ դոլար վարկ կտրամադրի

Համաշխարհային բանկը հայտնում է, որ Թուրքիային կտրամադրի 1 մլրդ դոլար վարկ «Երկրաշարժի գոտում բարեկարգման և վերակառուցման ծրագրի շրջանակներում»։

Ծրագրի շրջանակներում աջակցություն կցուցաբերվի առողջապահական ծառայություններին, վնասված կամ ոչնչացված քաղաքային ենթակառուցվածքների վերականգնմանը։ Այս մասին գրում է ermenihaber-ը:

ՀԲ-ի հայտարարության մեջ նշվում է, որ վերականգնման աշխտանաքների համար կպահանջվի մի քանի տարի:

Թուրքիայում ՀԲ-ի գրասենյակի տնօրեն Ումբերտո Լոպեսը հայտարարել է, որ վերոնշյալ ծրագիրը կընդգրկի երկրաշարժից ամենաշատ տուժած 11 շրջանները, որտեղ ապրում է մոտավորապես 14մլն մարդ։

Լոպեսի խոսքերով, իրենք Քահրամանմարաշում տեղի ունեցած ավերիչ երկրաշարժից մինչ օրս Թուրքիայի կողքին են և կիսում են իրենց փորձը բնական աղետի ռիսկերի կառավարման և վերակառուցման գործում։

Փետրվարի 6-ին Քահրամանմարաշում տեղի էր ունեցել ավերիչ երկրաշարժ և Համաշխարհային բանկը պարբեարաբար օգնություն է տրամադրում Թուրքիային։