Վարչապետ Նիկոլ Փաշինյանն անդրադարձել է Հայաստանի տնտեսական վիճակին, նշելով, որ երկիրը շարունակում է գտնվել բարձր տնտեսական ակտիվության տիրույթում։
Նա նշել է, որ այս տարվա մայիսին, նախորդ տարվա նույն ամսվա համեմատ, 13,7% տնտեսական ակտիվության ցուցանիշ է արձանագրվել։ Վարչապետը հնգամսյա ցուցանիշները հուսադրող է որակել. «Մեզ մոտ տնտեսական ակտիվության որոշակի արագացում է նկատվում, ինչն ուրախալի է»։
Վարչապետը խոսել է նաև բանկային համակարգի ցուցանիշների մասին՝ դրանք որակելով ռեկորդային.
«Հայաստանի բանկերում ընդհանուր ավանդային պորտֆելը 2023թ. մայիսին կազմել է 5 տրլն 147 մլրդ 288 մլն դրամ, որը Հայաստանի պատմության համար ռեկորդային ցուցանիշ է։
Ռեկորդային էր նաև ապրիլի ցուցանիշը»։ Նա նշել է, որ սրանք այն ավանդային հաշիվներն են, որտեղ քաղաքացիները պահում են իրենց խնայողությունները. «Ավանդային պորտֆելը մայիսին գրեթե կրկնապատկվել է»։
Նա ընդգծել է, որ, չնայած Հայաստանի առաջ եղած մարտահրավերներին, կարևոր է, որ արձագանքը լինի այսպիսին.
«Տնտեսական զարգացումն այն էական գործոնն է, որ պետք է մեզ հնարավորություն տա հասցեագրել պետության առաջ ծառացած հիմնախնդիրները»։
