Հայաստանի ֆինանսների նախարար Վահե Հովհաննիսյանը հայտնել է, որ եկամուտների համընդհանուր հայտարարագրման համակարգի ներդրմանը զուգահեռ ներդրվել է նաև սոցիալական ծախսերի համակարգ։
Ըստ այդմ, հայտարարատուները հնարավորություն են ստանալու եկամտահարկի գումարներից ետ ստանալ իրենց կամ իրենց ընտանիքի համար կատարված առողջապահության, կրթության և բնակարանային ապահովության գծով ծախսերը:
Նախարարի ներկայացմամբ՝ նախագծով սոցիալական ծախսերի փոխհատուցման նպատակով հայտարարատու համարվող ֆիզիկական անձի ընտանիքի անդամներ են համարվում նրա ամուսինը, ծնողները և զավակները (որդեգրողներն ու որդեգրվածները):
