ՀՀ էնոմիկայի նախարար Վահան Քերոբյանը հունիսի 29-ին մասնակցել է Հայաստանում Shell ապրանքանիշի առաջին բենզալցակայանի բացման արարողությանը։
Shell-ն էներգետիկ և նավթաքիմիական գլոբալ ընկերությունների խումբ է: Ապրանքանիշի լիցենզավորված ներկայացուցիչը Հայաստանում «Ռոյալ Օյլ» ՍՊԸ-ն է, որը Shell-ի հետ համագործակցությամբ առաջիկա 5 տարիների ռազմավարության շրջանակում ծրագրում է հանրապետության տարբեր հատվածներում բացել շուրջ 25 Shell բենզալցակայան` նպատակ ունենալով ստեղծել նոր սերնդի բենզալցակայանների ցանց։
«ՀՀառավարությունը ստեղծում է բազմաթիվ նոր հնարավորություններ հեշտացնելու բիզնես միջավայրը նոր ներդրումների համար: Այսօր մենք տեսանք մեզ համար հիմնաքարային ներդրում, քանի որ Հայաստանում բացվեց Shell ապրանքանիշի առաջին բենզալցակայանը:
Shell-ն աշխարհի խոշորագույն 50 ընկերություններից է, և այսպիսի բրենդների ներկայությունը մեր երկրում կարող է խթան հանդիսանալ Հայաստանում միջազգային ներդրումների ակտիվացման առումով։ Սա միայն բենզալցակայան չէ, սա նոր մշակույթ է, քանի որ Shell-ն իր պրոդուկտների որակով և ծառայությունների մակարդակով կփոխի Հայաստանում բենզալցակայանների ոլորտում մատուցվող ծառայությունների նկատմամբ պահանջարկը, և մենք կտեսնենք որակական փոփոխութուն ընդհանուր շուկայում։ Այս առումով մեր ոգևորությունը շատ մեծ է։
Այս ընկերության ներկայությունը Հայաստանում ցույց է տալիս, որ Հայաստանը դառնում է ավելի լավ հասցե միջազգային խոշոր ներդրումների համար: Հեշտ չի եղել ընկերության մուտքը Հայաստան, և ես շնորհակալ եմ բոլորին համբերատար և համատեղ իրականացված արդյունավետ աշխատանքի համար»,- ասել է Վահան Քերոբյանը:
