Զելենսկին հանդիպել է Գրետա Թունբերգի և այլ բնապահպան ակտիվիստների հետ

Ուկրաինայի նախագահ Վլադիմիր Զելենսկին հանդիպել է էկոակտիվիստ Գրետա Թունբերգի, Եվրախորհրդարանի փոխնախագահ Հայդի Գաուտալայի և այլ էկոակտիվիստների հետ։ Այս մասին իր տելեգրամյան ալիքում գրել է երկրի նախագահի աշխատակազմի ղեկավար Անդրեյ Երմակը։

Ըստ Երմակի՝ հանդիպմանը մասնակցել են նաև Շվեդիայի արտաքին գործերի նախկին նախարար Մարգո Վալստրյոմը և 1990-1997 թթ. Իռլանդիայի նախագահ Մերի Ռոբինսոնը։ Նրանք բոլորն էլ պատերազմի բնապահպանական հետևանքների միջազգային աշխատանքային խմբի անդամներ են։

Զելենսկու խոսքով՝ Միջազգային աշխատանքային խումբը կաշխատի Ուկրաինայի էկոլոգիական համակարգի վրա «ռուսական ագրեսիայի ազդեցության հետ կապված հարցերի շուրջ»։