Վրաստանը ցույց է տվել, որ ի վիճակի է արդյունավետ միջնորդ լինել Ադրբեջանի և Հայաստանի միջև հարաբերություններում և անհրաժեշտության դեպքում պատրաստ է կրկին ներգրավվել այդ գործընթացում։ Այս մասին երկրի խորհրդարանում հայտարար է Վրաստանի վարչապետ Իրակլի Ղարիբաշվիլին։
«Երկու տարի առաջ Ադրբեջանի և Հայաստանի միջև առաջին կոնկրետ արդյունքները ցույց տվեցին։ Հետո ես անձամբ ընդգրկվեցի։ Եվ այս միջնորդությունն ավարտվեց կոնկրետ արդյունքով։ Դա, այսպես ասած, տարածաշրջանի օրինակելի միջնորդություններից մեկն էր»,- ասել է Ղարիբաշվիլին։
Վարչապետը հայտնել է Վրաստանի պատրաստակամությունը՝ շարունակելու միջնորդի դերը։
«Այս ամբիոնից ուզում եմ ևս մեկ անգամ հրապարակայնորեն հաստատել մեր լիակատար պատրաստակամությունը։ Անհրաժեշտության դեպքում պատրաստ ենք ևս մեկ անգամ միանալ երկու երկրների, մեր բարեկամների միջև գործընթացին։ Սա շատ կարեւոր ուղղություն է»,- ասել է Ղարիբաշվիլին։