«Սա քայլ է վրաց ժողովրդի դեմ». այսպես են մեկնաբանել Վրաստանի իշխանությունները Georgian Airways-ի և նրա ղեկավարության դեմ պատժամիջոցներ կիրառելու Ուկրաինայի որոշումը։
«Սա միակ կոշտ և անարդար որոշումը չէ վրաց ժողովրդի դեմ այն համերաշխության ֆոնին, որը մենք ցուցաբերում ենք Ուկրաինայի նկատմամբ»,- ասել է Վրաստանի խորհրդարանի նախագահ Շալվա Պապուաշվիլին։
«Georgian Airways-ի դեմ պատժամիջոցների կիրառումը քաղաքական և անարդար որոշում է»,-, ասել է ընկերության ղեկավար Թամազ Գաիաշվիլին։
«Կարծում եմ, որ իմ կամ «Georgian Airways»-ի ընդգրկումը պատժամիջոցային ավիաընկերությունների ցանկում անհեթեթ է և անարդար: Թռիչքները դեպի Ռուսաստանի Դաշնություն ավիաընկերություններն իրականացնում են Թուրքիայից, արաբական երկրներից, Իսրայելից, Հայաստանից, Ադրբեջանից, ամբողջ Ասիայից և Կենտրոնական Ասիայից, բայց նրանց նկատմամբ պատժամիջոցներ չեն կիրառվում»,- ասել է Գաիաշվիլին։
Միաժամանակ նա հույս է հայտնել, որ Վրաստանի կառավարությունն անհապաղ և նմանատիպ պատասխան կտա Ուկրաինային՝ ի պատասխան պատժամիջոցների սահմանման։
Հիշեցնենք, որ Ուկրաինան պատժամիջոցներ է կիրառել վրացական Georgian Airways ավիաընկերության և նրա տնօրեն Թամազ Գաիաշվիլու դեմ: Ուկրաինայի նախագահի համապատասխան հրամանագիրն արդեն ուժի մեջ է։
