«Վագներ» մասնավոր ռազմական ընկերությունը պետությունից ստացել է 858 մլրդ ռուբլի: «Ռոսիա 1» հեռուստաալիքի եթերում հայտնել է հեռուստահաղորդավար Դմիտրի Կիսելյովը:
Եվգենի Պրիգոժինի կողմից հիմնադրված «Վագներ» մասնավոր ռազմական ընկերությունը պետության հետ կնքված պայմանագրերի շրջանակներում ստացել է ավելի քան 858 միլիարդ ռուբլի։ «Այլ պայմանագրերով «Կոնկորդ» հոլդինգը ծառայություններ է մատուցել 845 միլիարդ ռուբլու չափով», – ասել է Կիսելյովը:
Ավելի վաղ ՌԴ նախագահ Վլադիմիր Պուտինը հայտարարել էր, որ «Կոնկորդ» ընկերությունը մեկ տարվա ընթացքում պետությունից ստացել է ավելի քան 86 մլրդ ռուբլի: Նա ընդգծել է, որ գումարը հատկացվել է «Վագներ»-ի մարտիկներին պահելու և բյուջեից խրախուսական վճարումներ կատարելու համար:
