Ռեժիսոր Հովհաննես Գալստյանը ֆեյսբուքյան իր էջում գրում է.
Կինոկենտրոն կոչվող ազգային աղետը, ուզում էի գրել ԳՈՄԸ, հաշվի առնելով տարածքում պարբերաբար որոճացող կովերին, բայց մտածեցի կովերին չնեղացնեմ, որի միակ առաքելությունը ՊԵՏԱԿԱՆ ԳՈՒՄԱՐՆԵՐԻ արդյունավետ տնօրինումն է՝ այսինքն, քաղաքացիներին ու պետությանը իրենց տված գումարների դիմաց որակյալ ֆիլմեր հանձնելը, որոշել է չհամակերպվել առաջին ատյանի դատարանի կողմից «Տատիկիս վարսերը» ֆիլմի դատավարությունը կասեցնելու իր ողորմելի խնդրագրի մերժման հետ ու նոր դիմում է ուղարկել Վճռաբեկ դատարան:
Այս քայլով կինոկենտրոնի ղեկ.կազմը բացել է իմ ձեռքերը ու ես վերադառնում եմ դատավարության հրապարակայնությունը ապահովելու իմ խոստմանը:
Մոտ 2,5 տարի ապօրինաբար պետական կառույցի՝ ՊՈԱԿ-ի տնօրենի ժամանակավոր պաշտոնակատար հանդիսանալով (հակասում է կառավարության որոշմանը), իրեն իր պես թշվառների ոհմակով շրջապատելով, ավելի քան 2 միլիարդ դրամ պետությունից գումար ստանալով ու դրա դիմաց գոնե ՄԵԿ ՈՐԱԿՅԱԼ ՖԻԼՄ հանրությանը չհանձնելով, էս թշվառականները որոշել են պատմության մեջ իրենց անունը թողնել որպես ֆիլմ փակող, կինոռեժիսորի դեմ զրպարտություն տարածող, արվեստագետի դեմ դանոս գրող ողորմելի սրիկաներ, ինչին էլ հասել են:
***
Ինձ, անկեղծ ասած, մեկ է ինչ որոշում կկայացնի պատվարժան Վերաքննիչ Դատարանը, ես անհամբեր սպասում եմ այն օրվան, երբ «Տատիկիս վարսերը» ֆիլմի դատական գործերը կանցնեն ներհայաստանյան դատական ատյաններով, որպեսզի մենք մտնենք միջազգային արբիտրաժ:
Դուք, քստմնելի սողուններ, երկու տարի զրկել եք անկախ ֆիլմարտադրողին գործունեություն ծավալելու հնարավորությունից, սնանկության եզրին եք հասցրել անկախ կինոընկերությանը, բարոյական վնաս եք հասցրել իմ ընկերությանը, էական վնաս եք հասցրել իմ առողջությանը, նյութական վնաս եք հասցրել իմ միջազգային գործընկերներին ու եթե Հայաստանի ներսում ձեր ղեկավարները դեռ տանում են ձեր թշվառ գոյությունը ՊԵՏԱԿԱՆ ՊԱՇՏՈՆՅԱՅԻ կարգավիճակում, ուրեմն ձեր մամաները լացելու են միջազգային արդարադատության միջամտությամբ: Չկասկածե՛ք:
Ես նաև չեմ թաքցնում, որ ձեր ողորմելի կերպարները մխելու եմ իմ ֆիլմերում, որպես դաս ապագա սերունդներին, որ անհնար է ծածուկ սողուն լինել ու որ սողուն լինելը ցավոտ է: Դուք գնացեք կրծելու ձեր թղթերը, լափելու հարկատուների գումարները, ես գնացի իմ աշխատանքին՝ նկարելու, մոնտաժելու, ցուցադրելու:
Vive le Cinema
