Հակաօդային պաշտպանությունը կասեցրել է Մոսկվայի և տարածաշրջանի օբյեկտների վրա 5 անօդաչու թռչող սարքերով ահաբեկչություն իրականացնելու Ուկրաինայի փորձը։ Հայտնել է ՌԴ պաշտպանության նախարարությունը։

«Այսօր առավոտյան Կիևի ռեժիմի՝ 5 անօդաչու թռչող սարքերով ահաբեկչություն իրականացնելու փորձը Մոսկվայի շրջանի և Նոր Մոսկվայի օբյեկտների վրա խափանվել է»,- ասվում է հաղորդագրության մեջ։

Նշվում է, որ Նոր Մոսկվայի տարածքում 4 ուկրաինական անօդաչու թռչող սարքեր ոչնչացվել են հակաօդային պաշտպանության համակարգերի կողմից։

Մեկ այլ սարք էլ ճնշվել է ՌԷՊ միջոցներով և կործանվել Մոսկվայի մարզի Օդինցովո շրջանի տարածքում։

ՌԴ ՊՆ-ից հայտնել են, որ զոհեր և ավերածություններ չկան։