Ուկրաինայի նախագահ Վոլոդիմիր Զելենսկին Twitter-յան իր միկրոբլոգում արձագանքել է Վրաստանի երրորդ նախագահ, այժմ անազատության մեջ գտնվող Միխեիլ Սաակաշվիլիի շուրջ իրադարձություններին։ Այս մասին գրում է «Ալիք Մեդիա»։
Զելենսկին ևս մեկ անգամ Վրաստանի իշխանություններին կոչ է արել Ուկրաինայի քաղաքացի Սաակաշվիլիին հանձնել Ուկրաինային՝ անհրաժեշտ բուժման և խնամքի համար։ Նրա խոսքով, ինքը Վրաստանի դեսպանին խնդրում է 48 ժամվա ընթացքում լքել Ուկրաինան և խորհրդակցություններ անցկացնել Թբիլիսիում։
«Հենց հիմա Ռուսաստանը Վրաստանի կառավարության ձեռքով սպանում է Ուկրաինայի քաղաքացի Միխեիլ Սաակաշվիլիին։
Մենք բազմիցս կոչ ենք արել պաշտոնական Թբիլիսիին դադարեցնել այս վիրավորանքը և համաձայնել Սաակաշվիլիի վերադարձին Ուկրաինա։ Եվրոպայում ոչ մի կառավարություն իրավունք չունի մահապատժի ենթարկելու մարդուն, կյանքը հիմնական եվրոպական արժեք է»,- գրել է Զելենսկին։
