DW-ի թղթակիցը հայտնում է, որ երկուշաբթի՝ հուլիսի 3-ին, Հաագայում հիմնվել է Ուկրաինայի դեմ ագրեսիայի հանցագործության հետապնդման միջազգային կենտրոնը (ICPA), որը ներառում է Ուկրաինայի, Եվրամիության, ԱՄՆ-ի և Միջազգային քրեական դատարանի (ՄՔԴ) ներկայացուցիչների, իսկ նոր կազմակերպության խնդիրն է լինելու Ուկրաինայի դեմ ագրեսիայի հանցագործության հետաքննությունն ու ապացույցների հավաքումը։

Կենտրոնի կազմում կլինի մոտ 20 դատախազ տարբեր երկրներից։ ԱՄՆ-ն արդեն հաստատել է իր մասնակցությունը։ Հաջորդ փուլում Ուկրաինայի դեմ ագրեսիայի հանցագործություններն արդեն հետաքննող երկրների ներկայացուցիչները՝ Լիտվան, Լատվիան, Էստոնիան, Ուկրաինան և Լեհաստանը, կմիավորեն իրենց ապացույցների բազան և կապ կփնտրեն ագրեսիայի հանցագործության տարրերի միջև։