Թբիլիսիի քաղաքապետ Կախա Կալաձեն հայտարարել է՝ Վրաստանի և Ուկրաինայի ժողովուրդների հարաբերությունները միշտ եղել են բարեկամական, և որևէ քաղաքական գործիչ չի կարող ազդել դրանց վրա։
Ինչպես փոխանցում է ռուսական РИА Новости լրատվական գործակալությունը, այս մասին Կալաձեն ասել է՝մեկնաբանելով Ուկրաինայի ԱԳՆ-ի հայտարարությունը, որով Կիևը Վրաստանի դեսպանին խորհուրդ էր տրվել վերադառնալ Թբիլիսի խորհրդակցությունների համար։ Կալաձեն ընդգծել է, որ վրացի և ուկրաինացի ժողովուրդները միշտ բարեկամներ են եղել և մշտապես աջակցել են միմյանց։ «Վիրավորական է, որ Վրաստանի դեմ նման որոշում է կայացվել։
Բայց պետք է նշել, որ պատմականորեն վրացի և ուկրաինացի ժողովուրդները միշտ բարեկամներ են եղել։ Նրանք միշտ աջակցել են միմյանց, և ոչ մի քաղաքական գործիչ չի կարող փոխել այդ հարաբերությունները: Ամեն ինչ կանենք՝ ապահովելու այդ հարաբերությունների գոյությունը»,- ասել է նա։ Պատասխանելով հարցին, թե Վրաստանը պատասխան քայլեր կձեռնարկի Ուկրաինայի դեմ, Կալաձեն ասել է, որ իշխող «Վրացական երազանք» կուսակցությունն էմոցիաների հիման վրա որոշումներ չի կայացնում։
