Իրանի արտաքին գործերի նախարար Հուսեյն Ամիր Աբդոլահիանը՝ ելույթ ունենալով Բաքվում Չմիավորման շարժման համակարգող բյուրոյի նիստում հայտրարել է, որ Իրանը աջակցում է Հարավային Կովկասի տարածաշրջանում վեճերի խաղաղ կարգավորմանը. Նա նշել է, որ այսօր իրեն ընդունել է Ադրբեջանի նախագահ Իլհամ Ալիեւը։ Նախարարի խոսքով՝ Ալիևի հետ հանդիպմանը ինքը համոզվել է, որ ադրբեջանական կողմը հավատարիմ է եռակողմ հայտարարության իրականացմանը։
Աբդոլահիանը հավելել է, որ Ադրբեջանը աջակցում է տրանսպորտային ուղիների ապաշրջափակմանը, ինչն արտացոլված է եռակողմ հայտարարության մեջ։ «Այս տարածաշրջանը տարանցիկ մեծ ներուժ ունի։ Իրանը աջակցում է համագործակցությանը՝ այս նպատակի և ներուժի իրացման համար»,- ասել է Իրանի արտգործնախարարը։
