«Մանչեսթեր Յունայթեդն» իր պաշտոնական կայքում հայտարարել է Լոնդոնի «Չելսիի» կիսապաշտպան Մեյսոն Մաունթի հետ երկարաժամկետ պայմանագիր կնքելու մասին:
Ավելի վաղ հաղորդվում էր, որ Անգլիայի հավաքականի 24-ամյա ֆուտբոլիստի տեղափոխության համար մանկունիացիները կվճարեն ավելի քան 50 միլիոն եվրո: Մաունթը «Չելսիի» սան է, նա թիմի կազմում է 2005 թվականից: Ընդհանուր առմամբ, «կապույտների» հիմնական կազմում Մաունթը 197 խաղում դարձել է 33 գոլի և 37 գոլային փոխանցման հեղինակ: Կողմերի միջև համաձայնագիրն ավարտվում էր 2024 թվականի ամռանը։ Ընդհանուր առմամբ, «Չելսիի» հետ Մաունթը նվաճեց երեք գավաթ՝ Չեմպիոնների Լիգա, ՈՒԵՖԱ- ի Սուպերգավաթ և աշխարհի ակումբային առաջնության գավաթը:
«Մանչեսթեր Յունայթեդի» համար սա առաջին տրանսֆերն է ամառային տրանսֆերային պատուհանի ընթացքում:
