Կիևում Վրաստանի դեսպան Գեորգի Զաքարաշվիլին այսօր կփորձի լքել Ուկրաինայի տարածքը: Այս մասին դիվանագետը հայտնել է «Ռուսթավի 2» հեռուստաընկերության եթերում:

«Հետհաշվարկը սկսվեց իմ երեկվա հանդիպումից հետո (Ուկրաինայի արտաքին գործերի նախարարությունում.-խմբ.), 48 ժամը լրանում է հուլիսի 6-ին ժամը 12:00-ին։ Ես կփորձեմ հնարավորինս վաղը մինչև ժամը 12:00-ն լքել Ուկրաինայի տարածքը, քանի որ ձեզ հայտնի է, որ Կիևից սահման կարելի է հասնել միայն գնացքով կամ մեքենայով»,- ասել է նա:

Հուլիսի 3-ին Վրաստանի նախկին նախագահ Միխեիլ Սաակաշվիլին երկար դադարից հետո հեռավար մասնակցել է 2007 թվականի ցույցը ցրելու գործով Թբիլիսիի քաղաքային դատարանի նիստին: Նա ցույց է տվել իր նիհարած մարմինը և դիմել վրացական իշխանություններին՝ նրանց կոչ անելով ներողություն խնդրել իրեն նման վիճակի հասցնելու համար։