Ադրբեջանը շարունակում է ՀՀ-ից պահանջել ԼՂ-ից դուրս բերել Հայաստանի բանակի ստորաբաժանումներն այն պայմաններում, երբ ՀՀ-ն ԼՂ-ում զինվոր չունի։ Այս մասին կառավարության նիստի ժամանակ հայտարարեց վարչապետ Նիկոլ Փաշինյանը։
«Արձանագրում եմ ևս մեկ անգամ՝ ԼՂ-ում ՀՀ բանակ չկա, ԼՂ-ում գտնվում է ԼՂ ՊԲ-ն, որի գոյության պատճառները յուրաքանչյուր ոք ամեն օր կարող է գտնել Ադրբեջանի պաշտոնական քարոզչության գործողությունների մեջ, որի անթաքույց էությունը ԼՂ հայերին էթնիկ զտման և ցեղասպանության ենթարկելն է։ Այդ քաղաքականության սողացող իրագործումն ենք այսօր տեսնում ԼՂ-ում։
Էթնիկ զտման ադրբեջանական այդ քաղաքականության մաս է նաև այն միջազգային կազմակերպություննեի ու երկրների թիրախավորումը, ովքեր օբյեկիվ գնահատական են տալիս ԼՂ-ում ստեղծված հումանիտար ճգնաժամին ու Ադրբեջանի գործողություններին։ Այս առումով Ադրբեջանը ամիսներ շարունակ լայնածավալ հակաքարոզչություն է սկսել Ֆրանսիայի նկատմամբ, որի թե՛ պաշտոնական և թե՛ հանրային հարթկներում հնչում են հասցեական գնահատականներ ու ահազանգեր Ադրբեջանի կողմից ԼՂ հայության դեմ իրագործվող ապօրինի քայլերի մասին։ ՀՀ-ն, իր հերթին շնորհակալություն հայնելով Ֆրանսիային, պետք է բոլոր միջոցները ձեռնարկի, որ ավելի ու ավելի երկրներ ու կազմակերպություններ հասցեական գնահատականներով հանդես գան ԼՂ-ում հումանիտար ճգնաժամի վերաբերյալ»,- ասաց նա։
Փաշինյանն ընդգծեց, որ Ադրբեջանը Հայաստանին շարունակում է մեղադրել նաև միջանցքային մեկանաբանություններով։
«Ադրբեջանը ՀՀ-ին մեղադրում է իր տարածքով տրանսպորտային կապի ապահովման պարտավորությունները չկատարելու մեջ՝ միջանցքային ինչ-որ երկիմաստ մեկնաբանություններով։
Հայաստանը ո՛չ գրավոր, ո՛չ բանավոր պարտավորություն չի ստաձնել ու երբևէ չի ընդունի նման մեկնաբանություն։ Որ ՀՀ-ն որևէ միջանցքային պարտավորություն չի ստանձնել, կարող է տեսնել յուրաքնաչյուր ոք՝ կարդալով 2020թ-ի նոյեմբերի 9-ի եռակողմ հայտարարությունը։ Ինչ վերաբերում է տարածաշրջանային կոմունիկացիաների՝ երկրների ինքնիշխանության ներքո ապաշրջափակմանը, ՀՀ-ն բազմիցս հայտարարել է, որ պատրաստ է դրան»,- ասաց Փաշինայանը՝ հիշեցնելով երեք հսկիչ անցակետ տեղակայելու կառավարության որոշման մասին՝ ընդգծելով, որ այս որոշումը չի ընդունվում Ադրբեջանի դեստրուկտիվ դիրքորոշման պատճառով։
«Ադրբեջանը չի հրաժարվել ՀՀ-ին շրջափակման ենթարկելու իր երեսնայմա քաղաքականությունից։ Ադրբեջանը ՀՀ-ին շարունակում է մեղադրել նաև ականապատման հարցերով։ Արդարադատության միջազգային դատարանը սույն թվականի փետրվարի 22-ի որոշմամբ հերքեց ՀՀ-ին ուղղված մեղադարանքերը։
Հարաբերությունների կարգավորման հարցում իր անկեղծությունը ու վճռականությունը ցույց տալու համար հայկական կողմը նախորդ տարիներին Ադրբեջանին փոխանցեց վերջինիս վերահսկողության ներքո գտնվող բոլոր տարածքների ականադաշտերի քարտեզները, որոնց օգտագործմամբ Ադրբեջանում իրականացվում են ականազերծման աշխատանքներ, իսկ Ադրբեջանը սրան ի պատասխան ոչ մի համարժեք քայլ չարեց, մինչ օրս շարունակում է ապօրինի կերպով պահել հայ ռազմագերիներին ու նրանց օգտագործել որպես քաղաքական սակարկման գործոն»,- կառավարության նիստին ասաց Նիկոլ Փաշինյանը։
