ՊՍԺ-ն կողմնորոշվել է, թե որքան գումարի դիմաց պատրաստ կլինի բաց թողնել Մբապեին

Ֆրանսիացի հարձակվող Կիլիան Մբապեն ամառային տրանսֆերային պատուհանի ժամանակ կարող է հեռանալ ՊՍԺ-ից։

Ինչպես հայտնում է Le Parisien-ը, փարիզյան թիմի ղեկավարությունը որոշել է, թե ինչ գումարի դիմաց կհամաձայնվի բաց թողնել հարձակվողին։ 24-ամյա խաղացողի նվազագույն գինը 200 միլիոն եվրո է:

Նշվում է, որ ֆրանսիական ակումբը մտադիր է Մբապեի վաճառքով թարմացնել Նեյմարի տրանսֆերային ռեկորդը (222 մլն եվրո):

Ավելի վաղ հայտնի դարձավ, որ Մբապեն հրաժարվել է 2024/2025 մրցաշրջանի համար ՊՍԺ-ի հետ պայմանագիրը ավտոմատ կերպով երկարաձգելու տարբերակից և 2024 թվականի ամռանը կարող է ազատ խաղացողի կարգավիճակ ստանալ։ Լրատվամիջոցների տեղեկություններով՝ հարձակվողը կցանկանար այս ամառային տրանսֆերային պատուհանի ընթացքում տեղափոխվել Մադրիդի «Ռեալ»։ Ինքը՝ Մբապեն, պնդում է, որ մտադիր է հաջորդ մրցաշրջանն անցկացնել ՊՍԺ-ում։

Ընթացիկ մրցաշրջանում 24-ամյա հարձակվողը «Պարի Սեն Ժերմենի» կազմում Ֆրանսիայի առաջնության 34 հանդիպման է մասնակցել, որոնցում դարձել է 29 գոլի և 5 գոլային փոխանցման հեղինակ:

Աղբյուր  ArmSport.am