ԱՄՆ վարչակազմի պաշտոնյաները հաստատել են NBC-ի հաղորդագրությունն այն մասին, որ ԱՄՆ արտաքին քաղաքականության մի քանի պաշտոնաթող դիվանագետ վերջին ամսում փորձել են Ռուսաստանի հետ բանակցությունների ոչ պաշտոնական, այլընտրանքային ուղի ստեղծել։ Նրանք ապրիլին Նյու Յորքում հանդիպել են ՌԴ ԱԳ նախարար Սերգեյ Լավրովի հետ: Սպիտակ տունը, ըստ NBC-ի, գիտեր այդ շփումների մասին, սակայն չի նախաձեռնել կամ աջակցել դրանց:
Այս մասին CBS-ին տված հարցազրույցում ասել է ԱՄՆ նախագահի աշխատակազմին կից Ազգային անվտանգության խորհրդի խոսնակ Ջոն Քիրբին։
«Կցանկանայի ընդգծել, սակայն, որ մենք չենք խրախուսել այդ բանակցությունները, չենք նախաձեռնել դրանք և ակտիվ ձևով չենք աջակցել»,- հավելել է Քիրբին։
