Ուկրաինայի արտաքին գործերի նախարար Դմիտրի Կուլեբան հայտարարել է, որ ՆԱՏՕ-ի անդամ երկրները պետք է հստակ նշեն ժամկետները, թե երբ պատրաստ կլինեն Ուկրաինային հրավիրել դաշինք:

Կուլեբան այս մասին գրել է ամերիկյան «Foreign Policy» ամսագրում հրապարակված իր հոդվածում։ «Եթե ՆԱՏՕ-ի առաջնորդները դեռ պատրաստ չեն Վիլնյուսում հրավերի մասին հայտարարել, նրանք պետք է հստակ նշեն, թե երբ պատրաստ կլինեն։

Անդամակցությունն ունի պաշտոնական պահանջներ, իսկ հրավերը՝ ոչ: Այն ամենը, ինչ պահանջվում է, ռազմավարական հեռատեսությունն է և քաղաքական կամքը», – գրել է Կուլեբան։