«ՀայաՔվե» նախաձեռնության անդամ Ավետիք Չալաբյանը լրագրողի հարցին ի պատասխան նկատեց, որ այս օրենսդարակն նախագիծը գծում է այն կարմիր գիծը, որը չի կարող անցնել ՀՀ ցանկացած իշխանություն։
Պետք չէ նախաձեռնությունը սվիններով ընդունել, քանի որ այն ուղղված չէ հատուկ ներկայիս իշխանությունների դեմ։
«Լավ կլիներ, որ թեկուզ Հանրային եթերում նստեինք և քնարկեինք, թե «ՀայաՔվե»-ի նախագիծը Հայաստանին օգո՞ւտ է, թե՞ վնաս։ Մենք պնդում ենք, որ օգուտ է, դուք պնդում եք, որ վնաս է։ Դե եկեք նստենք, քննարկենք, թող հանրությունն էլ տեսնի մեր ու ձեր փաստարկները և իր գնահատականը տա։
Եթե մենք նորմալ դիսկուրս ունենանք, չի բացառվում, որ ՔՊ-ականները մասամբ կամ ամբողջապես աջակցեն այս նախագծին»,- ասաց Չալաբյանը։ Չալաբյանը նկատեց նաև, որ իրենք առաջարկում են մի նախագիծ, որն առնվազն չի հակասում ՔՊ-ի նախընտրական ծրագրին։ «Ինչո՞ւ եք այսպես խուճապի մատնվել։ Կա՛մ գնացեք ձեր նախընտրական ծրագիրը փոխեք, նորից գնացեք ընտրությունների, կա՛մ եթե այդ նախընտրական ծրագրով եք եկել, մեր առաջարկները ձեր նախընտրական ծրագրին չեն հակասում, ինչո՞ւ եք խուճապի մատնվել»։
