Ադրբեջանի արտգործնախարար Ջեյհուն Բայրամովը պատասխանել է ՌԴ ԱԳՆ Մարիա Զախարովային՝ շեշտելով, որ վերջին երկուսուկես տարիների ընթացքում, ինչպես նաև 30 տարիների ընթացքում, Ադրբեջանը լսել է տասնյակ, հարյուրավոր, նույնիսկ հազարավոր տարբեր կոչեր.
«Իհարկե, կոչերին պետք է ականջալուր լինել։ Կարևոր է վերլուծել և մենք դա անում ենք, տալիս ենք համարժեք պատասխաններ։
Ադրբեջանական պետությունն ունի իր տեսակետը միջազգային իրավունքի նորմերին ու սկզբունքներին համապատասխան հարցեր լուծելու վերաբերյալ։
Մենք մեր քաղաքականությունը վարում ենք ոչ թե ինչ-որ մեկի կոչերով, այլ մեր ազգային շահերից ելնելով։ Վստահ ենք, որ այս քաղաքականությունը դրական արդյունքների կբերի»,- հավելել է Բայրամովը։
Հիշեցնենք, որ Զախարովան Ադրբեջանին կոչ էր արել ապաշրջափակել Լաչինի միջանցքը։
