Սուրմալուի հատվածում մետրոյի նոր կայարան կառուցելու տեխնիկական առաջադրանքը պատրաստ է. այս մասին տեղեկացրել է Երևանի փոխքաղաքապետ Ստեփան Մաչյանը։

Փոխքաղաքապետ Տիգրան Ավինյանի հարցին ի պատասխան՝ նա հայտնել է նաև, որ մետրոյի այս կայարանի նախագծման աշխատանքների ժամկետներն ավելի սեղմ կլինեն։

Մաչյանը ներկայացրել է  նաև Աջափնյակ կայարանի կառուցման աշխատանքների ընթացքը։ Երևանի փոխքաղաքապետ Տիգրան Ավինյանն էլ ասել է, որ նախատեսված է մինչև տարեվերջ ավարտել նախագծման աշխատանքները, իսկ շինարարական աշխատանքները կմեկնարկեն հաջորդ տարի. «Առաջին անգամ, բացի խոսակցություններից, ունենում ենք նախագիծ այս տարվա վերջին, որը հնարավորություն կա դնել շինարարական մրցույթի, և դրա համար կա բավարար գումար»։