ԱԺ ՔՊ խմբակցության ղեկավար Հայկ Կոնջորյանը և քարտուղար Արթուր Հովհաննիսյանը շրջանառության մեջ են դրել ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանի լիազորությունները դադարեցնելու վերաբերյալ ԱԺ որոշման նախագիծ:
Նախագծի հիմնական զեկուցողն է լինելու Հովիկ Աղազարյանը։
Նախագծի հիմնավորման մեջ նշվում է, որ Թագուհի Թովմասյանն իր նախագահությամբ հանձնաժողովի նիստում ՀՀ հարյուր հազարավոր քաղաքացիների արժանապատվության վիրավորման և ատելության խոսքի նկատմամբ ցուցաբերել է անտարբեր վերաբերմունք՝ իր անգործությամբ նպաստելով դրա կրկնությանը։
Նախագծի հիմնավորումների մեջ նաև նշվում է, որ նպատական ունեն հետագայում ընտրել հանձնաժողովի նախագահ, որը հավուր պատշաճի կկատարի իր պարտականությունները, այդ թվում կմասնակցի ԱԺ խորհրդի նիստերին։ Ըստ հեղինակների, Թովմասյանն այս ընթացքում անցկացված 46 նիստերից մասնակցել է միայն 8-ին։
