Փաստում եմ, որ մեր պահանջների մասով որևէ առաջընթաց չի գրանցվել, որևէ ընդառաջ քայլ չի կատարվել, ուստի միանում եմ թե՛ գործադուլին և թե՛ զուգահեռ բողոքի գործողություններին, ֆեյսբուքյան իր էջում գրում է իրավապաշտպան Ռուբեն Մելիքյանը․
«Վաղվանից մեկնարկում է ոստիկանական բռնությունների դեմ փաստաբանների բողոքի գործողությունների «3-րդ տրանշը»։ Մենք նախ կատարեցինք իրազեկման ակցիաներ, ապա՝ մեկօրյա գործադուլ (հունիսի 26-ին), իսկ հիմա՝ եռօրյա գործադուլ (հուլիսի 11-ից 13-ը):
Քաղացիներին հիշեցնում եմ, որ պահանջելով պատժել փաստաբանի դեմ բռնություն կատարած ոստիկաններին՝ փաստաբաններն իրականում պայքարում են հենց ձե՛ր իրավունքների համար, քանի որ փաստաբանների նկատմամբ բռնության թե՛ առաջին և թե՛ երկրորդ դեպքերը պայմանավորված են եղել պաշտպանյալների նկատմամբ ծեծը դադարեցնելուն ուղղված փաստաբանների ջանքերով»,- գրել է նա։
