ՀՀ Ազգային ժողովի «Հայաստան» խմբակցությունը չի մասնակցի ԱԺ մարդու իրավունքների և հանրային հարցերի մշտական հանձնաժողովի նախագահ Թագուհի Թովմասյանի լիազորությունների դադարեցման վերաբերյալ քննարկումներին։ Այս մասին այսօր ԱԺ նիստի ժամանակ հայտարարեց խմբակցության պատգամավոր Արծվիկ Մինասյանը։
Ըստ նրա՝ տեղի ունեցող քննարկումները լինելու են ապօրինի։
Արձագանքելով Մինասյանին՝ ԱԺ փոխնախագահ Ռուբեն Ռուբինյանը նկատեց․ «Քննարկումը չի կարող լինել ապօրինի, օրակարգում դա օրենքի տարրին համապատասխան ընդգրկվել է»։
Ինչպես հայտնել ենք, ՀՀ Ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանն ու խմբակցության քարտուղար Արթուր Հովհաննիսյանը ԱԺ նախագահ Ալեն Սիմոնյանին են ներկայացրել ընդդիմադիր պատգամավոր Թագուհի Թովմասյանի՝ որպես ԱԺ մարդու իրավունքների և հանրային հարցերի մշտական հանձնաժողովի նախագահի լիազորությունները դադարեցնելու վերաբերյալ նախագիծ։
