Երկար դադարից հետո Ստեփանակերտի կենտրոնական շուկան կրկին մարդաշատ է։ Մշտական տաղավարների կողքին բացվել են նորերը․ գյուղացիներն են իրենց բերքն ու բարիքը բերել` քաղաքում առաջացած պահանջարկը բավարարելու համար։
Արցախի հանրային ռադիոյի հաղորդմամբ, հունիսի 8-ից Ստեփանակերտի կենտրոնական շուկայում գյուղացիներին անվճար տաղավարներ են տրամադրվել, որպեսզի նրանք կարողանան բերել ու վաճառել իրենց ապրանքը։
Միևնույն ժամանակ` գյուղացիներին հնարավորություն է ընձեռնվել գյուղմթերքը քաղաք հասցնել միջհամայնքային ավտոբուսներով։
Արցախի տարածքային կառավարման և ենթակառուցվածքների նախարարությունը հայտարարել է․ գյուղական համայնքի բնակիչների կողմից Ստեփանակերտ տեղափոխված գյուղմթերքի` Ստեփանակերտի կենտրոնական շուկա տեղափոխելը կատարվում է ապրանքների վերավաճառքի միջոցով գնի բարձրացման դեպքերը բացառելու նպատակով։
