ՌԴ նախագահի մամուլի քարտուղար Դմիտրի Պեսկովը հայտարարել է, որ Մոսկվան բացասաբար է վերաբերվում ՆԱՏՕ-ին Ուկրաինայի հնարավոր անդամակցությանը: Նա հավելել է, որ Հյուսիսատլանտյան դաշինքն ագրեսիվ հարձակողական կառույց է և լուրջ վտանգ է ներկայացնում։
«Ուկրաինային անվտանգության երաշխիքներ տրամադրելու՝ «Մեծ յոթնյակի» հնարավոր որոշումը չափազանց սխալ ենք համարում։ Կիևին անվտանգության երաշխիք տալով՝ այդ երկրներն անտեսում են անվտանգության անբաժանելիության սկզբունքը և սպառնում Ռուսաստանի անվտանգությանը»,- ասել է Կրեմլի խոսնակը:
Նա հավելել է՝ իսկ եթե Արևմուտքն Ուկրաինային կասետային զինամթերք մատակարարի, Ռուսաստանը ստիպված կլինի հակաքայլեր ձեռնարկել։
