Ստեփանակերտում այսօրվանից՝ հուլիսի 18-ից, հանրային տրանսպորտը կգործի խիստ սահմանափակ ռեժիմով, կանոնավոր ուղևորափոխադրումներ իրականացնող գրեթե բոլոր ավտոբուսները չեն գործի:
«Արցախի շրջափակմամբ պայմանավորված՝ վառելիքի գերսղության պայմաններում ՏԿԵ-ն հաշվարկներ է պարբերաբար իրականացնում, և եթե մինչև օրս հնարավոր էր պահպանել երթուղիների քանակը որոշակի սահմանափակումներով, հուլիսի 18-ից ստիպված կլինենք կրճատել մայրաքաղաքի երթուղին, բացառությամբ՝ Նոր Արեշ թաղամասին սպասարկող երթուղիները»,- ԼՂ Հանրային հեռուստաընկերության հետ զրույցում ասել է ՏԿԵ նախարարի առաջին տեղակալ Վլադիմիր Հարությունյանը։
ԼՂ-ում մինչհամայնքային երթուղիները շարունակելու են սպասարկվել դեռևս գործող չվացուցակով, սակայն այդ երթուղայինների աշխատանքն էլ երկար չի շարունակվի՝ հաշվի առնելով վառելիքի սուղ պաշարը:
