Նասեր Ալ-Խելայիֆին ներկա է գտնվել ՊՍԺ-ի մարզմանը և թիմին ասել, որ ակումբից վեր խաղացողներ չկան: Փարիզցիների նախագահը ներկա է գտնվել Լուիս Էնրիկեի գլխավորած թիմի առաջին մարզմանը և ելույթ է ունեցել նրանց առաջ։
Նա նաև հիշեցրել է, որ նոր մարզումային կենտրոնի հետ ֆուտբոլիստները չեն կարող արդարացումներ ունենալ վատ աշխատանքի դեպքում:
Թիմին դիմելուց հետո նա անհատապես խոսել է նորեկների հետ (Միլան Շկրինյար, Մարկո Ասենսիո, Մանուել Ուգարտե, Լյուկա Էրնանդես, Լի Քան Ին և Շեր Նդուր) և ողջունել նրանց:
Նշվում է, որ Կիլիան Մբապեի հետ առանձնազրույց չի եղել: Հարձակվողի վերաբերյալ ակումբի դիրքորոշումը չի փոխվել. կամ նա կերկարաձգի պայմանագիրը, կամ կվաճառվի: