Ադրբեջանի գլխավոր դատախազությունը հայտնել է Արցախի 68-ամյա քաղաքացի Վագիֆ Խաչատրյանին բերման ենթարկելու մասին։
Ըստ հաղորդագրության՝ նա մեղադրվում է «հանցավոր խմբավորում» ստեղծելու մեջ, որն իբր մասնակցել է «1991 թվականի դեկտեմբերի 21-ին Խոջալուի շրջանի Մեշալի գյուղում ադրբեջանցիների դեմ կատարված հանցագործություններին»։
Բաքուն վստահեցրել է, թե տղամարդուն կտրամադրվի անհրաժեշտ բժշկական օգնություն, ինչպես նաև պայմաններ, որպեսզի նրան այցելեն ԿԽՄԿ-ի ներկայացուցիչները։
Հիշեցնենք` Ադրբեջանը արգելանքի է վերցրել բուժման նպատակով կարմիր խաչի միջոցով այսօր Հայաստանի Հանրապետության բուժհաստատություն տեղափոխվող արցախի 68-ամյա քաղաքացուն։