Ադրբեջանի նախագահի օգնական Հիքմեթ Հաջիևը արցախցի Վագիֆ Խաչատրյանի առևանգման փաստով ՀՀ հասարակական կազմակերպությունների, մեդիա կառույցների բողոքը անվանել է իբրև «ՀՀ պետական մակարդակով ռազմական հանցագործությունների աջակցություն և արդարացում»։
Հիշեցնենք, որ Կարմիր խաչի միջազգային կոմիտեի ուղեկցությամբ Արցախից Հայաստան բուժման նպատակով տեղափոխվող Վագիֆ Խաչատրյանն առևանգվել է Ադրբեջանի սահմանապահ ծառայության ներկայացուցիչների կողմից։
Ադրբեջանի գլխավոր դատախազությունը նրան մեղադրում է հանցավոր խմբավորում ստեղծելու մեջ, որն իբր մասնակցել է 1991 թվականի դեկտեմբերի 21-ին Խոջալուի շրջանի Մեշալի գյուղում ադրբեջանցիների դեմ կատարված հանցագործություններին։
