Ադրբեջանցիների կողմից առևանգված Վագիֆ Խաչատրյանի դուստրը՝ Վերա Խաչատրյանը հերքել է լուրերը, թե հայրը եղել է ՊԲ նախկին հրամանատար Սամվել Բաբայանի վարորդը։

«Հերքում եմ բոլոր տեսակի տարածված լուրերը՝ հայրս չի եղել Սամվել Բաբայանի վարորդը: 

Պահանջ ունեմ ոչ միայն ՄԱԿ-ի գրասենյակից, այլև՝ բոլորից: Ամեն մեկը թող իր լծակները կիրառի և վերադարձնի հայրիկիս»,- ասել է նա:

«Հակարիի կամրջից այս կողմ ես միայնակ եմ, քույրերս, եղբայրներս, մայրս, բոլոր հարազատներս գտնվում են Արցախում։ Այսօր հույսս դուք եք, ձեզանից յուրաքանչյուրը։ Խնդրում եմ, ինձ մենակ չթողնել, եղեք ինձ համար մայր, հայր, քույր»,- նշել է Խաչատրյանը։