Իրավիճակը գնահատվում էր սպառնալից, բայց ռազմական գործողությունների սկսման օրը որևէ մեկին հայտնի չի եղել»,- 44-օրյա պատերազմի քննիչ հանձնաժողովում հայտարարել է պաշտպանության նախկին նախարար Դավիթ Տոնոյանը։
Նա նշել է, որ սպառնալից իրավիճակի վերաբերյալ տեղյակ է եղել է իր փորձի ու պարբերաբար ստացվող պաշտոնական տեղեկատվության հիման վրա։
Տոնոյանի խոսքով՝ ռազմական գործողությունների շրջանում՝ հոկտեմբերի 21-29-ը, վարչապետի հանձնարարությամբ գտնվել է Մեղրիում։
Պատասխանելով հարցին, թե ինչպես է տեղեկացել պատերազմի մասին և որտեղ է եղել մինչ այդ, Տոնոյանն ասել է. «2020թ. սեպտեմբերի 25-ին գործուղված եմ եղել ՌԴ՝ զորավարժությունների։ Սեպտեմբերի 25-26-ի երեկոն գտնվել եմ ԵՄ և ՆԱՏՕ անդամ երկրում՝ նորից գործուղման շրջանակներում, սպառազինության և ռազմական տեխնիկայի մատակարարումների կազմակերպման նպատակով։ Ամսի 26-ի երեկոյան՝ մինչև պատերազմի սկիզբը, գտնվել եմ օդանավում, շարունակում էի իմ գործուղումը դեպի Ղազախստան, որտեղից պետք է վերցվեին բանակցությունների մասնակից անձինք ու շարունակվեին բանակցությունները սպառազինության և ռազմական տեխնիկայի ձեռքբերումների հետ կապված հարցերով։
Վայրէջքի պահին՝ ամսի 27-ի առավոտյան, անմիջապես ԳՇ պետից եմ տեղեկացել, երբ հնարավոր էր հեռախոսները միացնել։ Դրանից հետո խոսակցություն եմ ունեցել ՀՀ վարչապետի հետ։ Հաշվի առնելով ՔՈՎԻԴ-ի վատ իրավիճակները՝ երկու-երեք ժամում հազիվ ինքնաթիռ հայթայթեցինք, որ կարողանամ ետ վերադառնալ Հայաստան։ Վերադարձս խոչընդոտներով էր, բայց այդ մասին փակ նիստին կխոսեմ։ Վերադարձս Վրաստանով է եղել։ Սեպտեմբերի 28-ին, առավոտյան ժամը 4-ին եղել եմ Երևանում, որից հետո թույլտվություն եմ ստացել վարչապետից ու մեկնել մարտական գործուղությունների իրականացման վայր»։
