Սիրիայի նախագահ Բաշար ալ-Ասադը հայտարարել է, որ չի հանդիպելու Թուրքիայի նախագահ Ռեջեփ Թայիփ Էրդողանի հետ վերջինիս պայմաններով։
«Հանդիպումը չի կարող տեղի ունենալ Էրդողանի պայմանների ներքո», – ասել է Ասադը Sky News Arabia-ին, գրել է Iran Front Page-ը։
Վերջին ամիսներին Անկարան ու Դամասկոսը փորձում են կարգավորել հարաբերությունները տասնամյա սառեցված հարաբերություններից հետո:
Հուլիսի կեսերին Էրդողանն ասել էր, որ Անկարան չի փակել Դամասկոսի հետ խաղաղ «բանակցությունների դուռը», և որ ինքը «բաց» է Ասադի հետ հանդիպման համար՝ որպես երկու երկրների միջև հարաբերությունների կարգավորման ջանքերի մաս:
