Կիևը փորձել է հարվածել Ղրիմի կամրջին հարվածային տարբերակի վերափոխված Ս-200 հրթիռով, այն հայտնաբերել և որսացել են ռուսական հակաօդային պաշտպանության համակարգերը։ Այս մասին լրագրողներին հայտնել են ՌԴ ՊՆ-ում։
«Օգոստոսի 12-ին, Մոսկվայի ժամանակով ժամը 13:00-ի սահմաններում, Կիևի ռեժիմը փորձել է ահաբեկչական հարված հասցնել Ղրիմի կամրջին հարվածային տարբերակի վերափոխված Ս-200 զենիթային կառավարվող հրթիռով:
Ուկրաինական հրթիռը ժամանակին հայտնաբերել և օդում որսացել են ռուսական հակաօդային պաշտպանության համակարգերը», – հայտնել են նախարարությունից։
Նրանք պարզաբանել են, որ դրա արդյունքում ավերածություններ և տուժածներ չկան։
