Երեւանում ընթանում է «Yerevan Food Fest» ուտեստների փառատոնը, որի շրջանակում անցկացվում են բազմաթիվ միջոցառումներ, վարպետության դասեր՝ խոհարարների, ռեստորատորների, ֆուդ-բլոգերների, քննադատների եւ լրագրողների համար: «Ոստան» ռեստորանը, որն իր ուրույն դերն ունի Երեւանում ռեստորանային մշակույթի ձեւավորման գործում, որոշել էր անմասն չմնալ տոնից եւ յուրօրինակ միջոցառմամբ ներկայանալ հայ գուրմաններին: Այդպիսով ռեստորանը հյուրընկալել էր իսպանացի շեֆ-խոհարար Իվան Սաեզին, ով պիտի հատուկ ճաշացանկ կազմեր «MBG Hospitality» ընկերության բրենդ-շեֆ Պավել Կուրտեեւի հետ:
BRAVO.am-ը նույնպես ներկա է եղել ընթրիքին, լուսանկարել է հյուրերին եւ զրուցել ընկերության ներկայացուցչի հետ՝ պարզելու, թե ինչ ուտեստներ են մատուցվելու եւ ինչով են դրանք առանձնանում: «MBG Hospitality»-ի PR մենեջեր Աննա Սալոմեն մեզ հետ զրույցում ասաց, որ միջոցառումն անցկացվում է «4 ձեռք» ձեւաչափով, որի շրջանակում երկու շեֆ-խոհարար միասին մատուցելու են հինգ ուտեստ: Այդ շարքում կար ինչպես հիմնական ուտեստ, այնպես էլ սառը եւ տաք նախուտեստներ, ապերիտիվ եւ աղանդեր:
Ավելին՝ սկզբնաղբյուր կայքում։
