Բաքուն Կանադային մեղադրում է հայամետ հայտարարությունների մեջ

Ադրբեջանի ԱԳՆ խոսնակ Այխան Հաջիզադեն դատապարտել է Կանադային՝ մեկնաբանելով հայ համայնքի հետ հանդիպման ժամանակ Կանադայի ԱԳ նախարար Մելանի Ժոլիի խոսքերը։ 
 
«Սա առաջին դեպքը չէ, երբ Կանադայի ԱԳ նախարարը միակողմանի հայտարարություններ է անում՝ ի պաշտպանություն տարածաշրջանում անջատողականության և ռևանշիստական ​​ուժերի՝ արտահայտելով հայամետ տրամադրություններ»,- ասվում է հայտարարության մեջ։
 
ԱԳՆ խոսնակը նաև մեղադրել է Կանադային կողմնակալ մոտեցում կիրառելու մեջ․ «Մենք ևս մեկ անգամ պահանջում ենք Կանադայից զերծ մնալ նման սադրիչ քայլերից և հարգել Ադրբեջանի ինքնիշխանությունն ու տարածքային ամբողջականությունը», – եզրափակել է Հաջիզադեն։