«Վագներ» ՄՌԿ-ի ղեկավարի շուրջ կրկին միֆեր են տարածվում։ Սոցցանցերի արաբական հատվածում, այդ թվում՝ լրագրողների շրջանում, նշում են, որ «ականատեսներ» կան, որոնք այսօր Մալիում տեսել են Եվգենի Պրիգոժինին։
Այս մասին օգոստոսի 24-ին հայտնել է «Արաբական Աֆրիկա» տելեգրամյան ալիքը։
Տեղեկություններ կան նաև, որ «Վագներ» ՄՌԿ-ի հիմնադիր Եվգենի Պրիգոժինը և գլխավոր հրամանատարները եղել են երկրորդ ինքնաթիռում, և օգոստոսի 25-ին «Վագների» 250 մարտիկներ պետք է հասնեն Նիգեր։
Լրագրողները հորդորում են սպասել 24 ժամ, որպեսզի ամեն ինչ պարզվի։
«Պրիգոժինը գտնվում է Մալիում, որպեսզի հետ մղի ֆրանսիական ցանկացած հնարավոր ներխուժում:
Ռուսական արջը ստեղծեց իր մահվան պատրանքը, ինչպես ԱՄՆ հետախուզական ծառայությունները «վերացրին» Աբու Բաքր ալ Բաղդադիին և Ուսամա բեն Լադենին»,- նշվում է Արաբական սոցիալական ցանցերում։
